काठमाडौँ – नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले आजबाट गर्ने भनिएको अस्ट्रेलिया भ्रमण अन्तिम समयमा स्थगित भएको छ । दाहाल आज १२ बजे अस्ट्रेलिया उड्ने कार्यक्रम थियो ।
नेकपा माओवादी केन्द्रको भातृ संगठन नेपाली जनप्रगतीशिल मञ्चको तेस्रो अधिवेशनको कार्यक्रममा सहभागी हुन उनी आठ दिन लामो अस्ट्रेलिया भ्रमणमा जाने कार्यक्रम थियो । तर प्रधानमन्त्री केपी शर्मा ओलीसँगको भेटवार्ता पछि प्रचण्डले अचानक भ्रमण रद्द गर्नुभएको हो ।
बुधवार बिहान प्रधानमन्त्री केपी शर्मा ओलीले अहिलेको विशेष राजनीतिक परिस्थितिका कारण अस्ट्रेलिया नजान आग्रह गरेपछि प्रचण्डले स्थागित गरेको स्रोतको दाबी छ ।
प्रचण्डको अनुपस्थितिमा विदेश विभाग सदस्य युवराज चौलागाईं अस्ट्रेलियाको कार्यक्रममा सहभागी हुने बताइएको छ ।
