अन्तर्राष्ट्रिय योग दिवस मनाईदै

काठमाडौँ – आज दोस्रो अन्तर्राष्ट्रिय योग दिवस नेपालमा पनि विभिन्न कार्यक्रम गरी मनाईदै छ । संयुक्त राष्ट्रसंघको आह्वानमा गत वर्षको जुन २१ का दिनदेखि संसारभर योग दिवस मनाउन थालिएको हो ।

राष्ट्र संघले एकता र शक्तिको सन्देश दिन यो दिवस मनाउन थालेको जनाएको छ । नेपालमा काठमाडौँको नारायणहीटी दरबारको दक्षिण दरबारमार्ग क्षेत्रमा अहिले बिहान ७ बजेदेखि सामूहिक योगका लागि हजारौँ मानिस एक साथ जुटेका छन् ।

प्रधानमन्त्री केपी शर्मा ओलीले उद्घाटन गर्ने उक्त कार्यक्रममा योगाभ्यास गर्न समाजका विभिन्न क्षेत्रका व्यक्तित्वहरु एक साथ जुट्ने छन् । ११ डिसेम्बर, २०१४ मा भारतको नेतृत्वमा सुरुवात गरिएको योगलाई संयुक्त राष्ट्र संघको साधारण सभाले जुन २१ लाई अन्तर्राष्ट्रिय योग दिवसको रूपमा स्विकारेकाले २१ जुनलाई विश्वव्यापी रूपमा योग दिवसको रूपमा मनाउन थालिएको हो ।