सोमबार पनि घट्यो सुन–चाँदीको भाउ, कतिमा हुँदैछ किनबेच?

समाचार सुन्नुहोस : 

काठमाडौँ – नेपाली बजारमा सोमबार पनि सुनचाँदीको मूल्य घटेको छ । आज सुन ३ सय तथा चाँदी प्रतितोला १५ रुपैयाँले घटेको हो । आइतबार सुन २ सय तथा चाँदी प्रतितोला १५ रुपैयाँले बढेको थियो ।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला १ लाख ६० हजार १ सय रुपैयाँमा कारोबार भइरहेको छ । आइतबार सुन प्रतितोला १ लाख ६० हजार ४ सय रुपैयाँमा खरिदबिक्री भएको थियो ।

त्यस्तै, आज चाँदी प्रतितोला १ हजार ८५० रुपैयाँमा किनबेच भइरहेको छ । आइतबार चाँदी प्रतितोला १ हजार ८६५ रुपैयाँमा कारोबार भएको थियो ।