टोकियो – जापानको वित्त मन्त्रालयका एक अधिकारी महिलाको अनाधिकृत रूपमा स्कर्टमुनि खिचिएको तस्बिर वा भिडियो खिचेको आरोपमा पक्राउ परेका छन् । ४० वर्षीय यासुताका योनेटालाई टोकियोको उपनगरीय क्षेत्रको एउटा रेल स्टेशनबाट प्रहरीले पक्राउ गरेको हो ।
यासुताका वित्त मन्त्रालयअन्तर्गतको नीति अनुसन्धान संस्थान (Policy Research Institute) का सदस्य हुन् । उनी टोकियो महानगर विश्वविद्यालयमा विशेष रूपमा नियुक्त सहप्राध्यापकका रूपमा पनि कार्यरत छन् ।
प्रहरीका अनुसार योनेटामाथि अक्टोबर २३ को बिहान करिब १० बजे हाचिओजीको मिनामी-ओसावा स्टेशनमा चलिरहेको एस्केलेटरमा आफ्नो स्मार्टफोन महिलाको स्कर्टमुनि राखेर तस्बिर खिचेको आरोप छ । उक्त महिला २० वर्षको उमेरकी थिइन् । योनेटाले भने आफूले त्यस्तो कार्य गरेको सम्झना नरहेको बताउँदै आरोप अस्वीकार गरेका छन् ।
प्रहरीले यो घटनाका सम्बन्धमा उनलाई अक्टोबरको अन्त्यतिर अर्को छुट्टै घटनामा सोधपुछ गर्दा उनको मोबाइलमा तस्बिर फेला परेको थियो । यो विषयले जापानमा महिलाको गोपनीयता र यौन दुर्व्यवहारका घटनाप्रति थप बहस सुरु गरेको छ । ***
