टोकियो – जापानको फ़ुकुओकालाई लामो समयदेखि कर्मथलो बनाउँदै आएका गायक/सर्जक माधव सिग्देल नयाँ गीत सार्वजनिक भएको छ । सिग्देलको आफ्नै अफिसियल युट्युब च्यानलमार्फत ‘भाग्यमानी…’ बोलको लोकदोहोरी गीत सार्वजनिक भएको हो ।
अर्जुन सुवेदीको शब्द, सूर्य खड्काको लयमा रहेको गीतमा माधव सिग्देल र कल्पना दाहालको आवाज रहेको छ । विनोद बाजुरालीले एरेन्ज गरेको उक्त गीतमा जीवन कुमार ज्ञवालीले भिडिओ निर्देशन गरेका छन् । भिडिओ छायांकन दुर्गा पौडेल र सम्पादन नवीन घर्ती मगरले गरेका हुन् । गीतको भिडिओमा लोमस शर्मा र अस्मिता रनपालको अभिनय देख्न सकिन्छ ।
केटा : बुझेऊ नि सानीले, बुद्धि आउँछ तनहुँको पानीले ।
काले काले भानि तनहुँमा जन्मिएसी यसै भाग्यमानी ।।
केटी : कोट लाउँदा टाँक नलाऊ, बाग्लुङ्गेलाई यतिकै धक नलाऊ ।
काली काली भानि बाग्लुङमा जन्मिएसी यसै भाग्यमानी ।।
गायक सिग्देल तनहुँ किहुँ वारिकोटमा जन्मिएका हुन् । आफू जुन ठाउँमा जन्मियो त्यहीँको माया अनि आफूलाई भाग्यमानी ठान्नु स्वाभाविक नै हो । गीतमा तनहुँ र बाग्लुङलाई जोडीएपनि जुन जिल्लामा जन्मियो उही भाग्यमानी हो भन्छन्- गायक सिग्देल । माया-प्रेम र जन्मभूमिको मायालाई सुन्दर ढंगले प्रस्तुत गरिएको गीत दर्शक/श्रोता ले मन पराउने अपेक्षा गरिएको छ ।
