एनपीएलमा आज दुई खेल हुदै

समाचार सुन्नुहोस : 

काठमाडौँ – नेपाल प्रिमियर लिग (एनपीएल) अन्तर्गत आज दुई रोमाञ्चक खेलहरू हुँदैछन। कीर्तिपुरस्थित त्रिवि क्रिकेट मैदानमा पहिलो खेल बिहान ९:१५ बजे कर्णाली याक्स र काठमाडौं गुर्खाजबीच हुनेछ। प्रतियोगितामा दुवै टिमले आफ्नो पहिलो खेलमा पराजय बेहोरेका छन्। जसले गर्दा यस खेलमा जित्न उनीहरूलाई दबाब बढेको छ।

त्यस्तै, दोस्रो खेल दिउँसो १:१५ बजे विराटनगर किंग्स र लुम्बिनी लायन्सबीच हुनेछ। विराटनगरले यसअघिका दुवै खेलमा हार व्यहोरेको छ भने लुम्बिनीले प्रतियोगितामा आफ्नो पहिलो खेल खेल्दै छ।

मंसिर १५ बाट सुरु भएको एनपीएलमा आठवटा फ्रेन्चाइज टोली सहभागी छन्। प्रतिस्पर्धात्मक यो क्रिकेट प्रतियोगिताको फाइनल पुस ६ गते हुने कार्यक्रम रहेको छ।