समाचार सुन्नुहोस :
काठमाडौँ – प्रधानमन्त्री केपी शर्मा ओलीले चीनको औपचारिक भ्रमणको क्रममा राष्ट्रपति सी चिनफिनसँग शिष्टाचार भेट गरेका छन्। भेटवार्तामा नेपाल–चीन सम्बन्धलाई थप प्रगाढ बनाउने विषयमा छलफल हुनुका साथै आपसी चासो र हितका विविध विषयमा विचारविमर्श भएको बताइएको छ।
प्रधानमन्त्री ओलीसँगै परराष्ट्रमन्त्री डा. आरजु राणा देउवा, प्रमुख राजनीतिक सल्लाहकार विष्णुप्रसाद रिमाल, आर्थिक सल्लाहकार डा. युवराज खतिवडा, मुख्य सचिव एकनारायण अर्याल, परराष्ट्र मन्त्रालयका कार्यवाहक सचिव अमृतबहादुर राई, सहसचिव कृष्णप्रसाद ढकाल, र चीनका लागि नेपाली राजदूत कृष्णप्रसाद ओलीलगायत उच्चस्तरीय टोली सहभागी थियो।
प्रधानमन्त्री ओली चारदिवसीय भ्रमणका लागि चिनियाँ समकक्षी ली छ्याङको निमन्त्रणामा हिजो अपराह्न बेइजिङ पुगेका हुन्।
