पुथा उत्तरगंगाको उपाध्यक्षमा गठबन्धनलाई हराउँदै माओवादी विजयी

काठमाडौं – रूकुम पूर्वको पुथा उत्तरगंगा गाउँपालिकाको उपाध्यक्षमा माओवादी केन्द्रकी नरपुरा बुढा निर्वाचित भएकी छन् । निर्वाचन आयोगका अनुसार ३ हजार ६२७ मत प्राप्त गर्दै पुथा उत्तरगंगा उपाध्यक्षमा माओवादीकी बुढा निर्वाचित भएकी हुन् ।

यहाँ कांग्रेस र एमालेबीच गठबन्धन गरेको थियो । एमालेकी केशकुमारी तुलाचन कांग्रेसको चुनाव चिह्न लिएर चुनाव लडेकी हुन् । उनले २ हजार १२८ मत ल्याइन् ।

माओवावादी केन्द्रलाई एकीकृत समाजवादीले सघाएको थियो । २०७९ मा पुथा उत्तरगंगाको अध्यक्ष र उपाध्यक्ष दुवै माओवादी केन्द्रले जितेको थियो ।