काठमाडौं-१६ को वडाध्यक्षमा रास्वपाकी रोजिना श्रेष्ठ विजयी

समाचार सुन्नुहोस : 

काठमाडौँ – काठमाडौं वडा नं. १६ को वडाध्यक्ष पदमा राष्ट्रिय स्वतन्त्र पार्टीकी रोजिना श्रेष्ठ विजयी भएकी छिन्। श्रेष्ठले २,९०२ मत प्राप्त गर्दै विजय हासिल गरेकी हुन्।

उक्त उपनिर्वाचनमा श्रेष्ठले एमालेका लक्ष्मीरत्न तुलाधर र नेपाली कांग्रेसका देवेन्द्र पाठकलाई पराजित गरिन्। मतगणनामा एमालेका तुलाधर २,२२० मतसहित दोस्रो स्थानमा रहे भने कांग्रेसका पाठकले २,११४ मत प्राप्त गर्दै तेस्रो स्थानमा सीमित भए।

यसअघि यो वडामा नेपाली कांग्रेसका मुकुन्द रिजाल निर्वाचित भएका थिए। उनको निधन भएपछि यहाँ उपनिर्वाचन भएको हो।