छविलाल जोशी र रामबहादुर ढकाललाई बयानका लागि चितवन लगियो

समाचार सुन्नुहोस : 

काठमाडौँ – कास्की प्रहरी हिरासतमा रहेका पूर्वडीआईजी छविलाल जोशीलाई चितवन लगिएको छ। भरतपुरमा रहेको साहारा चितवन बहुउद्देश्यीय सहकारी संस्थाको रकम अपचलनसम्बन्धी बयानका लागि उनलाई चितवन पुर्‍याइएको हो। प्रहरीले जोशीसँगै रामबहादुर ढकाललाई पनि बयानका लागि चितवन लगेको छ।

चितवन प्रहरीका एसपी गौतम मिश्रका अनुसार जोशीलाई आइतबार बिहान जिल्ला प्रहरी कार्यालय चितवनमा उपस्थित गराइएको हो। जिल्ला सरकारी वकिल कार्यालयमा बयान सकिएपछि उनीहरूलाई पुनः पोखरा फर्काइने तयारी भइरहेको छ।

यसैक्रममा, राष्ट्रिय स्वतन्त्र पार्टीका सभापति तथा पूर्वगृहमन्त्री रवि लामिछानेलाई पनि चाँडै चितवन ल्याउने योजना प्रहरीको रहेको छ।