दरबारमार्गमा पनि फुटपाथ विस्तार गर्दै काठमाडौं महानगर

समाचार सुन्नुहोस : 

काठमाडौँ – काठमाडौं महानगरपालिकाले फुटपाथ विस्तार योजनालाई तीव्रता दिँदै दरबारमार्ग क्षेत्रमा काम अघि बढाएको छ। फुटपाथ विस्तार अन्तर्गत महानगरले ढल व्यवस्थापन, विद्युतीय तार भूमिगत गर्ने र बोटबिरुवा संरक्षणका काम गरिरहेको छ ।

दरबारमार्ग जस्तो प्रमुख व्यापारिक क्षेत्रमा साँघुरो फुटपाथका कारण पैदलयात्रीले हिँड्न कठिनाइ भोग्दै आएका थिए। महानगरका पूर्वाधार सल्लाहकार सुनिल लम्सालकाअनुसार अहिले महानगरका विभिन्न ठाउँमा फुटपाथ बढाएर अपाङ्गमैत्री बनाउने काम भइरहेको छ। फुटपाथ फराकिलो भएपछि सर्वसाधारणलाई सहज आवागमन सुनिश्चित हुने विश्वास गरिएको छ।