पूर्व असईले घाँटी रेटेर गरे श्रीमतीको हत्या

समाचार सुन्नुहोस : 

काठमाडौँ – कञ्चनपुरमा एक व्यक्तिले श्रीमतीको घाँटी रेटेर हत्या गरेका छन्। भीमदत्त नगरपालिका–तिलाचौरका ४९ वर्षीय नरेन्द्र सिंह विष्टले ३० वर्षीया श्रीमती ज्योतीको हत्या गरेका हुन्।

घरेलु विवादको क्रममा आक्रोशित भएर उनले हसियाँ प्रयोग गरी श्रीमतीको ज्यान लिएको बताइएको छ। दुई वर्षअघि जेठी श्रीमतीको निधनपछि नरेन्द्रले ज्योतीसँग विवाह गरेका थिए। तर, पछिल्ला दिनमा उनले मदिरा सेवनपछि घरमा विवाद गर्ने गरेको छिमेकीहरूले बताएका छन्। नेपाल प्रहरीका पूर्व असई रहेका विष्टलाई प्रहरीले नियन्त्रणमा लिएर अनुसन्धान अघि बढाएको छ।