समाचार सुन्नुहोस :
काठमाडौँ – राप्रपा अध्यक्ष राजेन्द्र लिङ्देन बेलायत प्रस्थान गरेका छन् । पार्टी सम्बद्ध प्रवासी नेपाली एकता समाज, पानस युकेको निमन्त्रणामा उनी शुक्रबार राति त्यसतर्फ प्रस्थान गरेका हुन् । उनले लण्डन र स्कटल्याण्डमा पानस युकेको आयोजना गर्ने छलफल तथा अन्तरक्रिया कार्यक्रममा सम्बोधन गर्नेछन्। साथै, लिङ्देनको नेपाली संघसंस्थाहरुले आयोजना गर्ने स्वागत समारोहमा सहभागी हुने र नेपाली समुदायसँग छलफल गर्ने कार्यक्रम रहेको छ।
लिङ्देनको भ्रमण टोलीमा उनकी पत्नी सीता थापा लिङ्देन, प्रमुख सचेतक तथा प्रवक्ता ज्ञानेन्द्र शाही, केन्द्रीय सदस्य एवं प्रवास विभाग प्रमुख आनन्द अधिकारी र केन्द्रीय सदस्य हिक्मतजंग कार्की पनि सहभागी छन्। अध्यक्ष लिङ्देन असोज १० गते स्वदेश फर्किने प्रवक्ता मोहन श्रेष्ठले जानकारी दिए।
