समाचार सुन्नुहोस :
काठमाडौँ – यस वर्षको दसैँ लगायतका चाडपर्वका लागि असोज १३ गतेदेखि सुकिला नोट साट्न सकिने भएको छ। नेपाल राष्ट्र बैंकले केन्द्रीय कार्यालय, प्रदेश कार्यालयहरू र विभिन्न बैंकहरूमार्फत सुकिला नोट साट्न सकिने व्यवस्था गरेको छ।
राष्ट्र बैंकका सहायक प्रवक्ता डिल्लिराम पोखरेलका अनुसार असोज १३ बाट सुकिला नोट साट्ने व्यवस्था मिलाइएको छ तर यस वर्ष नयाँ नोट भने साट्न नपाइने राष्ट्र बैंकले पहिले नै निर्णय गरिसकेको छ।
सुकिला नोट साट्न इच्छुकहरूले ५, १०, २०, ५०, र १०० दरका एक सेट नोट मात्र साट्न सक्नेछन्।
