समाचार सुन्नुहोस :
काठमाडौँ – प्रधानमन्त्री केपी शर्मा ओली चढेको हेलिकप्टर बिग्रिएको छ। उनी बिहान काठमाडौं विश्वविद्यालयको दीक्षान्त समारोहमा सहभागी हुन सेनाको अगष्टा हेलिकप्टरमा काभ्रेको धुलिखेल गएका थिए। तर, फर्किने क्रममा हेलिकप्टरमा प्राविधिक गडबडी देखिएपछि उनलाई लिन अर्को एमआई १७ हेलिकप्टर पठाइएको थियो।
सेनाको एमआई १७ हेलिकप्टरमा प्रधानमन्त्री सुरक्षित रूपमा धुलिखेलबाट काठमाडौं फर्किसकेका छन्। नेपाली सेनाका प्रवक्ता गौरवकुमार केसीका अनुसार अगष्टा हेलिकप्टरमा सामान्य प्राविधिक समस्या देखा परेपछि प्रधानमन्त्रीलाई लिन अर्को हेलिकप्टर पठाइएको हो। समस्याग्रस्त हेलिकप्टरलाई सेनाका इन्जिनियरहरूले जाँच गरी काठमाडौं ल्याएका छन्।
