रास्वपाको केन्द्रीय समिति बैठक, मुकुललाई हटाउने तयारी

काठमाडौं – राष्ट्रिय स्वतन्त्र पार्टी (रास्वपा) को केन्द्रीय समिति बैठक सुरु भएको छ । पार्टी कार्यालय वनस्थलीमा बैठक बिहान ८ बजेबाट सुरु भएको हो ।

बैठकमा निलम्बित महासचिव मुकुल ढकाललाई साधारण सदस्यसमेत नरहने गरी कारबाहीलगायत ५ एजेन्डामा छलफल हुनेछ ।

• समसामयिक पार्टी गतिविधि
• राष्ट्रिय भेलाको तयारी
• अनुशासनात्मक कारबाही
• स्थानीय छाया सरकार कार्यविधि
• विविध

ढकालमाथि पार्टीको हितविरुद्ध गतिविधि गरेको आरोप छ । पार्टीका कार्यवाहक प्रवक्ता मनीष झाका अनुसार, अनुशासन आयोगले ढकाललाई कारबाही गर्न आवश्यक प्रमाण पार्टीमा बुझाइसकेको छ ।