प्रधानमन्त्रीले दिए कृष्ण जन्माष्टमी र गौरा पर्वको शुभकामना

समाचार सुन्नुहोस :

काठमाडौँ – प्रधानमन्त्री केपी शर्मा ओलीले कृष्ण जन्माष्टमी र गौरा पर्वको अवसरमा शुभकामना व्यक्त गरेका छन्।

प्रधानमन्त्री ओलीले सामाजिक सञ्जालमार्फत प्रेम र सौन्दर्यका प्रतीक श्रीकृष्णप्रति नमन गर्दै, सबैलाई कृष्णजन्माष्टमी र गौरा पर्वको शुभकामना दिएका हुन्। वैदिक सनातन हिन्दू धर्मावलम्बीहरूले आज देशभर भगवान् श्रीकृष्णको पूजा–आराधना गर्दै श्रद्धा र भक्तिपूर्वक ‘श्रीकृष्णजन्माष्टमी’ पर्व मनाइरहेका छन्।

त्यस्तै, गौरा पर्वको अवसरमा आज राजधानीको टुँडिखेलमा विशेष कार्यक्रमको आयोजना गरिएको छ।