समाचार सुन्नुहोस :
काठमाडौँ – परराष्ट्रमन्त्री डा. आरजु राणा देउवा आज भारतको औपचारिक भ्रमणमा गएका छन्। भारतीय विदेशमन्त्री एस जयशंकरको निमन्त्रणामा डा. राणा बिहान ११ः३० बजे नयाँ दिल्लीको लागि उडान भरेका हुन्। यो उनको परराष्ट्रमन्त्रीको रूपमा पहिलो विदेश भ्रमण हो।
भ्रमणका दौरान, उनले भारतीय विदेशमन्त्री एस जयशंकरसँग भेट गर्ने कार्यक्रम रहेको छ। दुई देशबीचका आपसी हित, सहयोग, र सम्बन्ध विस्तारका विषयमा द्विपक्षीय वार्ता हुनेछ। त्रिभुवन अन्तर्राष्ट्रिय विमानस्थलमा परराष्ट्र सचिव सेवा लम्सालसहितका वरिष्ठ अधिकारीहरूले मन्त्री डा. राणालाई बिदाइ गरेका थिए। भ्रमण टोलीमा परराष्ट्र मन्त्रालयका दक्षिण एसिया महाशाखा प्रमुख सहसचिव भृगु ढुंगानासमेत समावेश छन्।
यो भ्रमण नेपाल र भारत बीचको नियमित उच्चस्तरीय भ्रमण आदानप्रदानको परम्परा अनुसार गरिएको हो। परराष्ट्रमन्त्री डा. राणा भदौ ६ गते स्वदेश फर्किने कार्यक्रम छ।
