समाचार सुन्नुहोस :
काठमाडौँ – अमेरिकी विदेश मन्त्रालयका व्यवस्थापन र स्रोतसम्बन्धी उपराज्यमन्त्री रिचार्ड आर. बर्मा नेपाल आइपुगेका छन्। काठमाडौंस्थित अमेरिकी दूतावासले सामाजिक सञ्जालमार्फत बर्मा आज बिहान नेपाल आइपुगेको जानकारी गराएको छ। उनलाई अमेरिकी राजदूत डिन थम्पसनले स्वागत गरेका छन्।
उनको भ्रमणको क्रममा बर्माले नेपाल सरकारका उच्च अधिकारीहरू, यूएसएआईडी नेपालका परियोजना साझेदारहरू, चिया क्षेत्रका विज्ञहरू र नेपाली व्यवसायीहरूसँग भेटघाट गर्ने कार्यक्रम रहेको दूतावासले जनाएको छ।
