समाचार सुन्नुहोस :
काठमाडौँ – नागपञ्चमी पर्व आज परम्परागत रुपमा घरका मूलढोकामा नागको तस्वीर टाँसी, पूजाआजा गरी मनाइँदैछ। धार्मिक मान्यताअनुसार, यसले घरलाई सर्प, बिच्छी र प्राकृतिक विपद्बाट बचाउँछ। वैदिक कालदेखि नाग पूजाको परम्परा छ, नागलाई सर्पको राजा मानिन्छ र पानीको अभावबाट बच्न नागलाई खुशी पार्न पूजा गरिन्छ।
आजको दिन विशेष पूजा गरिन्छ र घरघरमा नागको तस्वीर टाँसिन्छ। नागलाई विष्णु र शिवका रुपमा मान्ने परम्परा पनि छ। विभिन्न पुराणमा नागसँग सम्बन्धित प्रसंगहरू उल्लेख छन्। नागपञ्चमीको दिन खेतबारीमा काम नगर्ने र सर्प आदिलाई नमार्ने प्रचलन छ। वातावरणीय सन्तुलन कायम गर्न नागको पूजा गरिन्छ भन्ने विश्वास छ।
