शोभाभगवतीमा ‘लिभिङ टुगेदर’मा रहेकी महिलाको हत्या

काठमाडौं – शोभाभगवतीमा एक महिलाको हत्या गरी भागेको आरोपमा प्रहरीले एक जनालाई पक्राउ गरेको छ । जिल्ला प्रहरी परिसर काठमाडौंको विशेष टोलीले आरोपितलाई नियन्त्रणमा लिएको हो ।

भारतको मोतिहारीका पुरुषले तनहुँकी सोफिया मियाँको हत्या गरी भागेको प्रहरीले जनाएको छ । यही माघ ३ गते मियाँको शव भेटिएको थियो । ती महिला र पुरुष दुवै विवाहित हुन् । उनीहरू लामो समयदेखि विवाहेतर सम्बन्धमा रहेको खुलेको अनुसन्धानमा खटिएका प्रहरीको भनाइ छ ।

उनीहरू ‘लिभिङ टुगेदर’ मा बस्दै आएको प्रहरीको अनुसन्धानमा खुलेको छ । प्रहरीले आरोपितको नाम सार्वजनिक गरेको छैन । आठ वर्षअघि काठमाडौं आएर सिलाई बुनाईको काम गरिरहेका भारतीय नागरिक ४-५ वर्षयता ती महिलासँग लिभिङ टुगेदरमा रहेको प्रारम्भिक अनुसन्धानबाट खुलेको छ ।