दीपक-दीपाको सिनेमा हल बानेश्वरमा तयार, आजै शुक्रबार बाट खुल्ने

समाचार सुन्नुहोस् :

काठमाडौं – अभिनेता तथा निर्माता दीपकराज गिरी, अभिनेत्री तथा निर्देशक दीपाश्री निरौला र निर्मल शर्माको टीमले निर्माण गरेको फिल्म हल आज शुक्रबारदेखि सञ्चालनमा आएको छ । काठमाडौंस्थित नयाँ बानेश्वरको शंखमुल जाने बाटोमा आईएनआई सिनेमा हल सञ्चालनमा आएको हो ।

उद्योग वाणिज्य महासंघका अध्यक्ष चन्द्र ढकाल र वरिष्ठ कलाकार हरिवंश आचार्यले मल्टिप्लेक्स हलको उद्घाटन गरे । यो समूहले काठमाडौं गोंगबु नयाँ बसपार्कको लोत्से मलमा र रुपन्देहीको भैरहवामा आईएनआई क्युबक्स सञ्चालनमा ल्याइसकेको छ ।

‘आइएनआई सिनेमा हल’ मा आजैबाट नेपाली सिनेमा ‘एक भागवत र एक गीता’ (सामाजिक कथा) र ‘नांङ्गो गाउँ’ सँगै ‘जवान’ र ‘द नन् २’ लगायतका चलचित्र दर्शकले हेर्न पाउने छन् । हलमा २ वटा स्क्रिन रहेको छ । जसमध्ये पहिलोमा १७७ र अर्कोमा २१० दर्शक आँट्ने छन् । हल निर्माणका लागि करिब १० करोड खर्च गरिएको बताइएको छ ।