फिल्म ‘जवान’मा शाहरुख खानको फरक लुक्स, टाउको मुडुलो

काठमाडौँ – बलिउड अभिनेता शाहरुख खानको फिल्म ‘जवान’ को प्रिभ्यु सोमबार रिलिज भएको छ ।  प्रिभ्युले सामाजिक सञ्जालमा चर्चा पाएको छ । फिल्ममा शाहरुख फरक लुक्समा देखिएका छन् । प्रिभ्युमा एक ठाउँमा उनी टाउको मुडुलो देखिएको छ । शाहरुखको यो बाल्ड लुकलाई रजनीकान्तको फिल्म ‘शिवाजी–द बोस’को लुकसँग तुलना गरिएको छ । आफ्नो ३१ वर्ष लामो बलिउड करियरमा शाहरुख पहिलो पटक टाउको यस्तो पारेको बताइन्छ ।

तर, बलिउड फिल्ममा मुख्य कलाकारलाई ठाँउ यस्तो देखाइएको यो पहिलो पटक भने होइन । सअघि सलमान खान, आमिर खान, अमिताभ बच्चन, अक्षय कुमार र रणवीर सिंह लगायतका धेरै कलाकारहरू टाउको लुकमा देखिएका छन् । ‘जवान’ भन्दा पहिले पनि शाहरुख खानले एउटा फिल्ममा यो लुक अपनाइसकेका छन् । यो फिल्म सन् १९९५ मा आएको थियो र यसको नाम गुड्डु थियो ।