काठमाडौं – नेपाली गीत संगीतमा बेला-बेलामा कर्णप्रिय गीतहरू सार्वजनिक हुने गरेका छन् । अझ, आफ्नै मौलिक संस्कृति र परम्परा बोकेका गीत-संगीतको खडेरी नै लागेको समयमा केही गीतले भने दर्शकको मन जित्छन् । यस्तै, अपेक्षा गरिएको गीत ‘जाम भो साइली…’ सार्वजनिक भएको छ ।
चर्चित गायिका सुनिता बुढा क्षत्री र राम गगनको स्वरमा रहेको गीत राम गगन युट्युब च्यानलमार्फत सार्वजनिक भएको हो । विशेषतः माया प्रेमकै कथावस्तुलाई आधार बनाएर मा तयार पारिएको गीतले धेरै नेपालीको जीवन भोगाइलाई बोलेको छ ।
केही बाध्यताले बिदेसिनु परेको पीडाभावलाई गीतमार्फत दर्साइएको छ । एकातिर घरदेखि प्रेमिका र आफन्तको माया अर्कातिर प्रदेश जानुपरेको बाध्यतालाई बोलेको गीत स्रोता दर्शकले मन पराउने अपेक्षा गरिएको छ । गीतको शब्द र संगीत पनि राम गगनकै हो ।
दीप सगर, रिया खड्का, रति खड्का र जीवन कार्कीले अभिनय गरेको गीतको म्युजिक भिडिओ निर्देशन राम गगनले नै गरेका हुन् भने छायाङ्कन सञ्जय बुढाथोकी मगरले गरेका हुन् ।
