समाचार सुन्नुहोस् :
काठमाडौँ – न्युजिल्यान्डको एक होस्टेलमा आगलागी हुँदा कम्तीमा ६ जनाको मृत्यु भएको छ । बीबीसीले जनाएअनुसार वेलिङ्टनमा रहेको चारतल्ले होस्टेलको भवनमा सोमबार मध्यराति आगलागी भएको हो ।
दर्जनौंको उद्धार गरिएपनि थप मानिस भवनमा हुन सक्ने अनुमान गरिएको छ । अधिकारीहरूले मृतकको संख्या बढ्न सक्ने आशंका गरेका छन् । न्युजिल्यान्डका प्रधानमन्त्री क्रिस होपकिन्सले पनि मृतकको संख्या बढ्न सक्ने बताएका छन् ।
उद्धारकर्ताले वेलिङ्टनमा भएको सबैभन्दा ठूलो आगलागी मध्येको एक भएको बताएका छन् ।
