समाचार सुन्नुहोस् :
काठमाडौं – अन्नपूर्ण हिमाल आरोहणका क्रममा बेपत्ता भएका भारतीय पर्वारोही अनुराग मालुको जीवितै उद्धार भएको छ। ३४ वर्षीया मालु सोमबार बिहानदेखि बेपत्ता थिए। ३ दिनको उद्धार प्रयासपछि मालुलाई जीवितै फेला पारिएको सेभेन समिट ट्रेकका अध्यक्ष मिङमा लामाले जानकारी दिएको भारतीय समाचार संस्था एएनआईले जनाएको छ।
जीवितै फेला पारिए पनि मालुको अवस्था भने गम्भीर रहेको मिङमाले जानकारी दिएका छन्। ‘मालुलाई अहिले पोखरास्थित मणिपाल अस्पतालमा चिकित्सकको निगरानीमा राखिएको छ,’ शेर्पाले भनेका छन्।
