काठमाडौँ – नेपाली क्रिकेटर सन्दीप लामिछाने राष्ट्रिय टिममा समावेश भएका छन् । बलात्कारको आरोप लागेपछि नेपाल क्रिकेट संघ क्यानले सन्दीपलाई कप्तानसहित टिमबाट पनि निलम्बन गरेको थियो । उच्च अदालत पाटनको आदेशपछि रिहा भएका सन्दीपको निलम्बन पोखरामा बसेको क्यानको बोर्ड बैठकले गरेको थियो । सोही निर्णय अनुसार उनी नेपाली टिममा फर्किएको क्यानले जनाएको छ ।
नेपालले आईसीसी क्रिकेट विश्वकप लिग टू अन्तर्गत नामिविया र स्कटल्याण्डसँग त्रिकोणात्मक शृंखला खेल्दैछ । यो शृंखला फागुन २ गतेदेखि सुरु हुनेछ । टिममा समावेश गर्ने निर्णय भएसँगै सन्दीपले कीर्तिपुर पुगेर प्रशिक्षक मोन्टी देशाईसँग भेटेको र केही समय त्यहाँ अभ्यास पनि गरेको बताइएको छ ।सन्दीपको भोलि फिटनेश टेष्ट हुने छ । बलात्कारको आरोप लाग्दा वेस्टइन्डिजमा रहेका सन्दीप त्यहाँबाट फर्किएपछि त्रिभुवन अन्तर्राष्ट्रिय विमानस्थलबाट असोज २० गते प्रहरीले पक्राउ गरेको थियो ।
जिल्ला अदालतको आदेश अनुसार पुर्पक्षका लागि जेल चलान भएका सन्दीपलाई उच्च अदालत पाटनले २० लाख रुपैयाँ धरौटीमा छाड्न आदेश दिएको थियो । तर उक्त आदेशविरुद्ध महान्यायाधीबक्ताको कार्यालयले सर्वोच्च निवेदन भने हालिसकेको छ ।
