काठमाडौँ – पछिल्लो समय मानिसहरू गहिरो निन्द्रा पर्नबाट बञ्चित भइरहेको विभिन्न अध्ययनहरूले देखाउने गरेका छन् । यसैबीचमा गरिएको अर्को एक अध्ययनले भने गहिरो निन्द्राका लागि अचम्मको जुक्ति दिएको छ । हालै गरिएको एक अध्ययनले सुत्ने बेलामा मुखमा टेप लगाएर सुत्दा गहिरो निन्द्रा आउने बताएको छ ।
यसो गर्दा मानिसहरूले नाकबाट सास फेर्ने र गहिरो निन्द्रा पर्ने बताइएको छ । यसले घुर्ने समस्याबाट समेत राहत दिने अध्ययनले भनेको छ ।
मुख खोलेर सुत्दा सासको दुर्गन्ध, कर्कश आवाज र ओठ फुट्न सक्ने अध्ययनले भनेको छ ।
अक्स्फोर्ड युनिभर्सिटीकी एन केर्नीका अनुसार प्रयोगमा नाकबाट सास फेर्दा हावा फिल्टर हुने कुरा पत्ता लागेको थियो ।
नाकबाट मात्रै सास फेर्नाले फोक्सोलाई सक्रिय बनाउँछ। यसबाट गहिरो र पूरा सास फेर्न सकिन्छ भने शरीरलाई आराम पनि मिल्छ।
मुखमा टेप लगाएर सुत्नुका फाइदाहरू पत्ता लगाउन गरिएको एक अध्ययनले २० मध्ये १३ जनाले पहिलेको तुलनामा कम घुर्ने गरेको पाइएको छ ।
३० जनामा गरिएको अर्को अनुसन्धानमा ‘स्लीप एपनिया’ (निद्रामा श्वासप्रश्वास रोकिने र निद्रा तोड्ने) भएका व्यक्तिको मुखमा टेप बाँधेर सुत्दा त्यस्ता व्यक्तिमा कम घुर्ने समस्या देखिएको छ ।
विज्ञहरूका अनुसार नाकबाट सास फेर्न गाह्रो भएमा मुखमा टेप लगाएर सुत्नु हुँदैन ।
साथै, सर्जिकल टेप जस्तै सजिलै हटाउन सकिने टेप प्रयोग गर्नुपर्छ।
पहिलो दिनमा दस मिनेट टेप लागू गर्नुहोस् र समय बढाउनुहोस्। राति मुखमा टेप लगाएर सुत्ने बानी बसेपछि मात्रै सुत्ने गर्नुपर्ने बताइएको छ ।
