टोकियो – माइक्रोसफ्टले विन्डोज १० का प्रयोगकर्तालाई विन्डोज ११ मा स्विच गर्न सल्लाह दिएको छ । किनकि विन्डोज १० ले अक्टोबर २०२५ पछि सुरक्षा अपडेट प्राप्त गर्नेछैन, जसले साइबर खतराहरूको जोखिम बढाउँछ ।
विन्डोज १० को बजार हिस्सा बढ्दै गएको छ भने विन्डोज ११ का प्रयोगकर्ता घट्दो क्रममा रहेको छ । माइक्रोसफ्टले १४ अक्टोबर २०२५ मा विन्डोज १० का लागि निःशुल्क सुरक्षा अपडेट र सपोर्ट आधिकारिक रूपमा अन्त्य गर्नेछ, जसले लाखौं प्रयोगकर्ताहरूलाई थप सुरक्षा अपडेटको लागि अपग्रेड वा भुक्तानी नगरेसम्म असुरक्षित बनाउनेछ।
विज्ञहरूले विन्डोज १० को सपोर्ट समयभन्दा बढी प्रयोग जारी राख्दा साइबर आक्रमण, डाटा चोरी र र्यान्समवेयरसको जोखिम हुने चेतावनी दिएका छन् । माइक्रोसफ्टले विन्डोज ११ मा स्विच गर्न कडा सुझाव दिएको छ, जुन आधुनिक सुरक्षामा आधारित रहेर डिजाइन गरिएको छ । अन्यथा वैकल्पिक अपरेटिङ सिस्टम छनौट गर्न सक्नुहुनेछ।
साइबर सुरक्षा विज्ञहरूले प्रयोगकर्ताहरूलाई ढिलाइ नगर्न आग्रह गरेका छन् । सुरक्षा विज्ञ थोरस्टेन अर्बनस्कीका अनुसार सुरक्षा संकटबाट बच्न समयसीमा भन्दा पहिले अपग्रेड गर्नुपर्ने बताईएको छ । **** एजेन्सी
