चलचित्र विकास बोर्ड अध्यक्षका १० उम्मेदवार, भुवनदेखि सुस्मासम्म‍

काठमाडौं – चलचित्र विकास बोर्डको अध्यक्ष पदका उम्मेदवारहरुको सूची सार्वजनिक गरिएको छ । सञ्चार तथा सूचना प्रविधि मन्त्रालयले सोमवार एक सूचना जारी गर्दै उम्मेदवारी दिएका मध्ये १० जनाको दरखास्त स्वीकृत भएको जनाएको हो ।

मन्त्रालयका अनुसार बोर्डका उम्मेदवार पदमा सुनसरीका अरुणकुमार प्रधान, काठमाडौंका दीपक श्रेष्ठ, ललितपुरका नरेशकुमार पौड्याल, काठमाडौंका निर्मलराज ढकाल, भुवन केसी, मनिष पण्डित, सम्झना उप्रेती रौनियार, सुचित्रा श्रेष्ठ, सुशीलकुमार पोखरेल र सुष्मा कार्की परेका छन् ।

छनोट भएका उम्मेदवारको व्यावसायिक कार्ययोजनाको प्रस्तुतीकरण र अन्तर्वार्ताको मिति, समय र स्थान पछि सार्वजनिक गर्ने सूचनामा उल्लेख छ ।