काठमाडौँ – पछिल्लो समयमा युवा खेलाडीहरूको पलायन बढ्दो छ। त्यस्तै ठुलो सम्भावना बोकेका फुटबल खेलाडी दर्शन गुरुङ र सन्तोष तामाङ पनि राष्ट्रिय टिम छोडेर अस्ट्रेलिया तिर लागेका छन् ।
राष्ट्रिय टिममा पर्दापर्दै पनि खेल्न छोडेर कोही विदेश तिर लग्नुले नेपालमा खेल र खेलाडीको अवस्था कस्तो छ भनेर देखाएको छ | राष्ट्रिय खेलाडीको यस्तो अवस्था छ भने, अझ घरेलु प्रतियोगिता मात्र खेल्ने खेलाडीहरूको अवस्था अझ गाह्रो रहेको छ | देशका लागि खेल्दै आएका खेलाडी पलायन रोक्न खेल सङ्घदेखि सरकारसँग कुनै ठोस योजना छैन । राष्ट्रिय स्तरका खेलाडी नै पलायन हुनु राष्ट्रका लागि निकै दुःखद कुरा हो ।
