गायक प्रताप दासको म्युजिक भिडियोमा आर्यन र पूजाको जोडी [ भिडियो सहित ]

काठमाडौं– अभिनेता आर्यन सिग्देल तथा अभिनेत्री पूजा शर्मा जोडि बनेर दर्शकमाझ आएका छन् । गायक प्रताप दास तथा अनु ढकालको यूगल गीत ‘मायालु आभाष…’ को भिडियोमा आर्यन र पूजाको जोडी बाँधिएको हो ।

रबि मल्लको शब्द तथा संगीतमा यो गीत तयार पारिएको हो । उदयराज पौडेल यो गीतका संगीत संयोजक हुन् । विधान कार्कीद्वारा निर्देशिन उक्त भिडियोमा दुबैको जोडी सुुहाएको प्रतिक्रिया आइरहेका छन् । हरि हुमागाईंको छायांकन रहेको भिडियोलाई विकास दाहालले सम्पादन गरेका छन् ।