सलमान खानसहितको सांगीतिक कार्यक्रम फेरी स्थगित

काठमाडौं – आगामी शनिबार दशरथ रंगशालामा शनिबार हुने भनिएको बलिवुड अभिनेता सलमान खान सहितको सांगीतिक कार्यक्रम फेरी स्थगित गरिएको छ ।

आयोजकले अहिलेको अवस्थालाई हेरेर कार्यक्रम स्थगित भएको जानकारी दिएका छन् । कार्यक्रमको टिकट बिक्रि प्रयाप्त नभएका कारण स्थगित भएको बुझिएको छ । अघिल्लो बर्षपनि सलमानको नेपाल आउने कार्यक्रम स्थगित भएको थियो ।

कार्यक्रममा बलिउडका अभिनेता सलमान खान, सोनाक्षी सिन्हासहितका एक दर्जन कलाकार नेपाल आउने तयारी रहेको थियो । आयोजक ओडिसी इन्टरटेनमेन्टले यस बारेमा औपचारिक जानकारी गराउने तयारी गरेको बताएको छ ।