यही वर्ष विवाह गर्दै सौगात

काठमाडौं – नेपाली चलत्रिका अभिनेता सौगात मल्ल यो वर्ष वैवाहिक सम्बन्धमा बाँधिने भएका छन् । उनले लामो समयदेखिको प्रेमसम्बन्धलाई यही वर्ष विवाहमा परिणत गर्न लागेको बताएका हुन् ।

आफ्नो नयाँ चलचित्र ‘मन्त्र’मा उनले प्रेमिकालाई छोपेर (भगाएर) लगेको देख्न सकिन्छ । रियलमा पनि त्यस्तै सोच छ कि भनेर सोधिएको प्रश्नमा उनले भने, “रियलमा त त्यसरी भगाएर गर्ने भन्ने सोच छैन, तर हामीले छिट्टै विवाह गर्ने सोच बनाइरहेका छौँ । यही वर्ष सोचेको हो ।”

उनी करिब चार–पाँच वर्षयता अभिनेत्री सृष्टि श्रेष्ठसँग प्रेमसम्बन्धमा छन् । दुवैको परिवार उनीहरूको प्रेमसम्बन्धबारे जानकार छन् । सौगातले सृृष्टिलाई आफ्नो आमाबुवालाई भेटाउन घर पनि लगिसकेका छन् ।