आईपीएल क्रिकेट: हैदराबादले पन्जाबलाई हरायाे

काठमाण्डाै – इन्डियन प्रिमियर लिग (आईपीएल) क्रिकेटमा सनराइजर्स हैदराबादले पन्जाब किङ्ग्सलाई सात विकेटले हराएकाे छ ।

मुम्बईमा पन्जाबले दिएकाे एक सय ५२ रनकाे लक्ष्य हैदराबादले १८ ओभर पाँच बलमा मात्र तीन विकेट गुमाएर भेटायाे । हैदराबादका लागि एडन मारक्रमले ४१ र निकाेलस पुरनले ३५ रन बनाए । यस्तै राहुल त्रिपाठी ३४ र अभिषेक शर्मा ३१ रन बनाएर आउट भए । बलिङतर्फ पन्जाबका राहुल चाहरले दुई र कागिसाे रबाडाले एक विकेट लिए ।

यसअघि टस हारेर पहिले ब्याटिङ गरेकाे पन्जाब निर्धारित २० ओभरमा अलआउट हुँदै एक सय ५१ रन बनायाे । पन्जाबका लागि लायम लिभिङस्टाेनले ६० र शाहरुख खानले २६ रन बनाए । बलिङतर्फ उमरन मलिकले चार र भुवनेश्वर कुमारले तीन विकेट लिए ।

आजकाे जितसँगै हैदराबाद आठ अङ्कसहित तालिकाकाे चाैथाे स्थानमा उक्लिएकाे छ । पन्जाब भने ६ अङ्कसहित साताैँ स्थानमा छ ।