काठमाडौँ – नेपाली क्रिकेट टिमका पूर्व कप्तान ज्ञानेन्द्र मल्ललाई नेपाल सरकारले प्रबल जनसेवा श्रीबाट सम्मानित गरेको छ । राष्ट्रपति भवनमा आयोजित कार्यक्रममा खेलाडीका तर्फबाट ज्ञानेन्द्रलाई सो सम्मान गरिएको हो । नेपालका लागि क्रिकेटमा १७ बर्ष बिताएका ज्ञानेन्द्रले पारस खड्काले कप्तानी छोडेपछि नियमित रुपमा टिमलाई सम्हालेका थिए ।
करिव तीन बर्ष कप्तानी सम्हालेका ज्ञानेन्द्रलाई केहि महिना अगाडी सो पदबाट हटाएर सन्दिपलाई नयाँ जिम्मेवारी दिएको थियो । नेपालका क्लासिक ब्याट्सम्यान भनेर परिचय बनाएका ज्ञानेन्द्रको कप्तानीमा नेपालले घरेलु मैदानमा त्रिकोणात्मक टी २० सिरिज जितेको थियो । यस्तै सरकारले राष्ट्रिय फुटबल टिमका कप्तान किरण चेम्जोङलाई पनि यो सम्मान दिएको छ ।
पारा खेलाडीद्धय हिमाल अर्याल र केशव थापा समेत जनसेवा श्री प्रदान गरेको छ ।
