काठमाडौं – बलिउड कलाकार जोडी रणवीर कपुर र आलिया भट्ट विवाह बन्धनमा बाँधिने भएका छन् । लामो समयदेखि प्रेममा रहेकाे याे जाेडीले अप्रिल (यहि महिना)को दोस्रो हप्ता विवाह गर्न लागेका हुन् ।
भारतीय सञ्चारमाध्यमका अनुसार आलिया र रणवीरले अप्रिल दोस्रो हप्ता विवाह गर्ने भएका हुन् । उनीहरुको विवाह अप्रिल १३ देखि १७ तारिखसम्म चल्ने बताइएको छ । आलिया र रणवीरले ‘ब्रह्मास्त्र’ फिल्मको छायांकनको क्रममा भेटिएसँगै डेट गर्न सुरु गरेका थिए ।
