टोकियो – जापानमा हिउँ सफा गर्ने क्रममा भएको दुर्घटनामा ४५ जनाको मृत्यु भएको छ । विभिन्न प्रिफेक्चरमा हिउँ सफा गर्ने क्रममा तीन महिनाको अवधिमा भएको दुर्घटनामा ४५ जनाको मृत्यु भएको हो ।
आओमोरीसहित १० प्रिफेक्चरहरूमा धेरै पीडितहरूले घरको छानाबाट खसेको हिउँले पुरिएर ज्यान गुमाएको अधिकारीले बताएका छन् । उत्तरपूर्वी जापानको आओमोरी प्रिफेक्चरमा सबैभन्दा बढी ११ जनाको मृत्यु भएको छ भने देशको उत्तरमा होक्काइडोमा १० जनाको मृत्यु भएको छ ।
यसैगरी उत्तरपूर्वमा अकिता, फुकुशिमा र यामागाटा प्रान्तमा तीन/तीन जनाको मृत्यु भएको जनाइएको छ । होक्काइडोमा, जापान सागरको सामना गर्ने क्षेत्रहरूमा यस मौसममा सामान्य भन्दा धेरै भारी हिउँ देखिएको छ । ९० प्रतिशतभन्दा बढी पीडित ६५ वर्षभन्दा माथिका थिए ।
