प्रिमियर लिग : म्यानचेस्टर युनाइटेड र टोटेनहम विजयी

काठमाडौँ – इंग्लिस प्रिमियर लिगमा म्यानचेस्टर युनाइटेड र टोटेनहम विजयी भएका छन् । गएराति भएको खेलमा म्यानचेस्टरले घरेलु मैदान ओल्ड ट्राफोर्डमा क्रिस्टल प्यालेसलाई १-० ले हरायो । युनाइटेडका लागि  ७७ औँ मिनेटमा फ्रेडले निर्णायक गोल गरे ।

अर्को खेलमा टोटेनहमले नर्विच सिटीलाई ३-० ले पराजित गरेको छ । घरेलु मैदान टोटनहमलाई जिताउँन लुकास मौरा, डाभिन्सन सान्चेज र हिङ मिन सनले १–१ गोल गरे । जितसँगै म्यानचेस्टर युनाइटेड १५ खेलबाट २४ अंक जोडेर छैटौँ स्थानमा छ । पराजित क्रिस्टल प्यालेस १६ अंक जोडेर १३औँ स्थानमा रहेको छ । अर्को खेलमा टोटेनहमले २५ अंक जोड्दै पाँचौ स्थानमा छ । पराजित नर्विच पुछारमा रहेको छ ।