काठमाडौं — उत्तरी र पूर्वी केन्यालाई खडेरीले तहसनहस पारेको छ। नोभेम्बरसम्ममा त्यहाँ कम्तीमा पनि २४ लाख मानिसलाई जटील खाद्यान्न अभाव हुने खतरा रहेको विश्व खाद्य कार्यक्रम (डब्ल्यूएफपी)ले चेतावनी दिएको छ।
गतवर्ष पनि त्यहाँ खाद्यान्न अभाव भएको थियो। यो गतवर्षको तुलनामा झन्डै तीन गुणाले वढी भएको डब्ल्यूएफपीले जनाएको छ।
राष्ट्रिय खडेरी व्यवस्थापन प्राधिकरण (एनडीएमए) का अनुसार राष्ट्रपति उहुरु केन्याट्टाले गत महिना खडेरीलाई प्राकृतिक विपत्ति घोषणा गरेका थिए । यहाँ दुई लाख १० हजार मानिसले भोकमरीको सामना गरिसकेका छन्।
‘यो खडेरी कोभिड–१९ को ठीक पछाडि आएको छ। जसले जीवनयापनमा ठूलो आर्थिक प्रभाव पारेको छ,’ डब्ल्यूएफपी प्रतिनिधि लरेन ल्यान्डिसले भने।
अक्टोबर महिनामा हुने वर्षा पनि खाद्यान्न समस्या सम्बोधन हुनेगरी नभएको र यसको कारण केन्यामा खाद्यान्न अभावको अत्यन्तै खतरनाक परिस्थिति आउने अवस्था सिर्जना भएको छ।
‘केन्यामा हामीले भोगेको अन्तिम ठूलो खडेरीका कारण आएको सन् २०१७ को खाद्यान्न सङ्कटको स्तरमा हामी पुग्दैछौँ,’ लरेसले भने, ‘मेरो विचारमा हामीले आगामी महिना खाद्यान्न अभाव भएका थप २५ लाख मानिसलाई हेर्नुपर्नेछ।’
