आज नेपाली टोली पारालम्पिक खेल्न जापान प्रस्थान गर्दै

काठमाडौं — मंगलबारदेखि शुरुहुने पालालम्पिकमा सहभागि हुने नेपाली टोली आज जापान प्रस्थान गर्दै छ । टोकियो पारालम्पिकमा नेपालले तेक्वान्दोमा सहभागिता जनाउँदै छ । नेपालबाट तोक्वान्दो खेलाडी पलेशा गोबद्धनले सहभागिता जनाउने छन् । नेपाली टोलीलाई यसअघि नै विदाई भने गरिसकिएको छ ।

नेपालकी पलेशाले के ४४ क्याटगोरी अन्तर्गत महिला ५८ केजीमुनि तौलसमूहमा प्रतिस्पर्धा गर्नेछिन् ।

पारालम्पिकमा पलेशा खेलाडीको रुपमा सहभागिता जनाउँदा प्रशिक्षकको रुपमा कविराज नेगी रहेका छन् । सरोज श्रेष्ठ सेफ दी मिसन डा दीपक श्रेष्ठ फिजियो र विश्वास बस्नेत कोभिड लाइसेन्स अफिरसरको रुपमा टोकियो प्रस्थान गर्ने छन् ।