बार्सिलोनाले हटायो स्टेडियमबाट मेस्सीको पोस्टर

काठमाडौँ – लियोनेल मेस्सी क्लबबाट बाहिरिएपछि बार्सिलोनाले आफ्नो स्टेडियम क्याम्प नोउबाट मेस्सीको पोष्टर हटाएको छ । ३४ वर्षीय मेस्सी ला लिगाको नियमका कारण बार्सिलोनासँग सम्झौता गर्न नसकेपछि २१ बर्षे क्यारियर टुंगाएका हुन् । मंगलबार मेस्सी पीएसजी जाने निश्चित समेत भएको छ । उनी पीएसजीसँग सम्झौता गर्न सपरिवार पेरिस जादै गर्दा बार्सिलोनाले भने आफ्नो स्टेडियमबाट मेस्सीको तस्वीर हटाएको हो । बार्सिलोनाले मेस्सीलाई केन्द्रमा राखेर आफ्नो स्टेडियमका विभिन्न भागमा पोष्टर लगाएको थियो ।९९ हजार क्षमताको बार्सिलोनाको स्टेडियम र क्लबको क्षेत्रबाट मेस्सीका पोष्टर हटाइएको छ । २१ बर्ष बार्सिलोनामा बिताएका मेस्सीसीले बार्सिलोनाका लागि ७७८ खेल खेल्दै ६७२ गोल गरेका छन् भने ३५ ट्रफी पनि जिताएका थिए ।