ब्राजिललाई ओलम्पिक फुटबलमा स्वर्ण

काठमाडौँ – टोकियो ओलम्पिक २०२० अन्तर्गत ब्राजिलले लगातार दोस्रो पटक पुरुष फुटबलमा स्वर्ण पदक जितेको छ । शनिबार सम्पन्न फाइनल खेलमा ब्राजिलले स्पेनलाई २-१ गोल अन्तरले पराजित गर्दै ओलम्पिक स्वर्ण पदक जितेको हो ।

निर्धारित ९० मिनेटमा दुवै टिमबाट १-१ गोल भएपछि खेल ३० मिनेटको अतिरिक्त समयमा गएको थियो । ब्राजिलका लागि खेलको १०८औँ मिनेटमा मालकमले निर्णायक गोल गर्दै खेल जिताएका थिए । यस अघि ब्राजिलका माथ्युस चुनाले खेलको ४५औँ मिनेटमा र स्पेनका लागि मिकेल ओयारआबालले खेलको ६१औँ मिनेटमा गोल गरेका थिए ।

खेलमा ब्राजिल रिचार्लिशनले ३८औँ मिनेटमा पाएको पेनाल्टी मिस गरेका थिए । यो हारपछि स्पेनले फुटबलमा रजत पदक जितेको छ । त्यस्तै शुक्रबार भएको खेलमा मेक्सिकोले जापानलाई पराजित गर्दै काश्य पदक जितेकोको थियो ।