नेपाल त्रिदेशीय नेसन्सकप फुटबल प्रतियोगिताको फाइनलमा

काठमाडौँ – थ्री नेसन्स कप फुटबल अन्तर्गत लिगको अन्तिम खेलमा नेपाल र बंगलादेशले बराबरी खेलेका छन् । त्रिपुरेश्वरस्थित दशरथ रंगशालामा शनिबार साँझ भएको खेलमा नेपाल र बंगलादेशले गोलरहित बराबरी खेलेका हुन् ।

बराबरीसँग दुबै टोली फाइनलमा पुगेका छन् । उपाधिका लागि नेपाल र बंगलादेश नै भिड्ने छन् । फाइनल सोमबार हुनेछ । बंगलादेशले आफ्नो पहिलो खेलमा किर्गिस्तानलाई १-० गोल अन्तरले हराएको थियो ।

नेपालले भने किर्गिस्तानसँग गोलरहित बराबरी खेलेको थियो । एक अंक मात्रै जोडेको किर्गिस्तान प्रतियोगिताबाट बाहिरिएको छ ।