जापानका पूर्व ओलम्पिक स्वर्णविजेता काेगाकाे निधन

टोकियो – जापानका लागि सन् १९९२ मा भएको बार्सिलोना ओलम्पिकमा स्वर्ण जितेका तोशिहिको कोगाको निधन भएको छ । ५३ वर्षीय कोगाको अचानक निधन हुनुको कारणबारे भने केहि खुलाइएको छैन ।

जापानको सरकारी टेलिभिजन एनएचकेका अनुसार गत वर्ष क्यान्सरबाट पीडित उनको उपचार भएको थियो । तर उनको अचानक निधनले जापानको खेल क्षेत्र आश्चार्यमा परेको छ । सन् १९९२ को बार्सिलोना ओलम्पिकमा जापानी टिमको कप्तानी गरेका उनले त्यो बेला स्वर्ण जितेका थिए ।

उनले आफ्नो घुँडामा चोट लाग्दापनि देशका लागि स्वर्ण हात पारेका थिए । कोगाले सन् १९९६ को एट्लान्टा समर गेम्समा रजत जितेका थिए । यसका साथै उनले सन् २००४ को ओलम्पिकमा जापानका लागि टर्च समातेका थिए ।