बक्सिङका महान् खेलाडी मार्भिन हाग्लरको निधन

काठमाडौं – अमेरिकी महान् बक्सर मार्भिन हाग्लरको ६६ वर्षको उमेरमा निधन भएको छ । मिडिलवेटका पूर्व विश्व विजेता हाग्लरको निधनका कारण भने खुलाइएको छैन ।

काइ हाग्लरले आइतबार समाजिक सञ्जालमार्फत् आफ्नो पतिको निधन भएको जानकारी गराएकी हुन् । उनले सामाजिक सञ्जालमा लेखेकी छन्, ‘आज मेरो श्रीमान् मार्भिन हाग्लरको आफ्नै निवासमा असामयिक निधन भएको छ ।’

१४ वर्षीय व्यावसायिक करियरमा हाग्लरले ६७ खेलमा ६२ खेल जितेका थिए । जसमा ५२ खेलमा नकआउट गरेका थिए । उनले २ खेल बाराबरी खेल्दा मात्र ३ खेलमा पराजित भएका थिए । -एजेन्सी