मेसी बार्सिलोनाका लागि कीर्तिमानी खेलाडी बने

काठमाडौं  — लियोनल मेसीले बार्सिलोनाका लागि आइतबार कीर्तिमान ५ सय छैटौं खेल खेलेका छन् । यससँगै उनी बार्सिलोनाका लागि लिगमा सर्वाधिक खेल खेल्ने कीर्तिमानी खेलाडी पनि भएका छन् ।

यसक्रममा उनले बार्सिलोनाका लागि ज्याभी हर्नान्डेजको नाममा रहेको ५ सय ५ खेलको कीर्तिमानलाई उछिनेका छन् । तर बार्सिलाना भने खेलमा १–१ को बराबरीमा रोकियो ।

बराबरीको नतिजापछि काडिज लिगमा लगातार चौथो हार रोक्न सफल रह्यो । तर पनि टिम रेलिगेसन क्षेत्रबाट खालि चार अंकमात्र अगाडि छ । बार्सिलोना भने ४७ अंकमा तेस्रो स्थानमा छ र यो शीर्ष स्थानको एटलेटिको म्याड्रिडसँग आठ अंकको दूरी हो ।