आइपिएल अक्सन : ७५ लाख मूल्य रहेका क्रिस मोरिस १६ करोड २५ लाखमा बिके

काठमाडौं – इन्डियन प्रिमियर लिग(आइपिएल)को १४औँ संस्करणका लागि खेलाडी भित्र्याउन अहिले अक्सन चलिरहेको छ । भारतको चेन्नईमा अक्सन भइरहेको छ।

७५ लाख आधार मूल्य रहेका दक्षिण अफ्रिकाका अलराउण्डर क्रिस मोरिस १६ करोड २५ मा बिक्रि भएका छन् । मोरिसलाई चर्काे मूल्यमा राजस्थान रोयल्सले खरिद गरेको हो । उनीमाथि सुरुमा मुम्बईले बोली लगाएको थियो । त्यसपछि प्रतिस्पर्धामा बैंग्लोर आएको थियो ।

१० करोड मूल्य भएपछि बैंग्लोरले बोली लगाउन छाडेको थियो । त्यसपछि मुम्बईसँग प्रतिस्पर्धा गर्न राजस्थान आएको थियो । मुम्बई १३ लाख पछि रोकिएको थियो । त्यसपछि पञ्जाब र राजस्थानले मोरिसलाई लिन ठूलो प्रतिस्पर्धा गरेका थिए।

यसअघि अस्ट्रेलियामा ग्लेन म्याक्सवेल १४ करोड २५ लाखमा बिक्री भएका थिए ।