२० लाख कोरोना खोप किन्न मन्त्रिपरिषद्ले खोल्यो बाटो

काठमाडौं – मंगलबार साँझ बसेको मन्त्रिपरिषद्को बैठकले भारतमा बनेको कोभिसिल्ड भ्याक्सिन खरिद गर्दा अग्रीम भुक्तानी दिने निर्णय गरेको छ ।

मन्त्रिपरिषद्ले बाधा-अड्काउ फुकाउ गरेर भ्याक्सिन खरिदको समस्या समाधान गरेको स्वास्थ्य तथा जनसंख्यामन्त्री हृदयेश त्रिपाठीले जानकारी दिएका छन् । मन्त्रिपरिषद्को यो निर्णयले तत्काल खोप खरिद गरेर ल्याउने बाटो खुलेको छ ।

सरकारले सिरम इन्स्टिच्युटले उत्पादन गरेको २० लाख डोज भ्याक्सिन खरिद गर्ने प्रक्रिया थालेको छ । उक्त कम्पनीले अग्रिम भुक्तानी मागेपछि मात्रै ब्याच नम्बर जारी गर्ने अडान राखेका कारण मन्त्रालयले अग्रीम भुक्तानीको निर्णय गरेको हो ।