रियल मड्रिडद्वारा भ्यालेन्सिया पराजित

काठमाडौं – स्पेनिस ला लिगा फुटबलमा रियल मड्रिड दोस्रो स्थानमा उक्लिएको छ ।

आइतबार राति भएको खेलमा भ्यालेन्सियासमाथि २–० गोल अन्तरले पराजित गर्दै दोस्रो स्थानमा उक्लिएको हो ।

रियलको ४९ अंक छ भने शीर्ष स्थानमा रहेको एथ्लेटिको मड्रिडको ५४ अंक रहेको छ ।

१२ औं मिनेटमै बेन्जिमाले खेलमा अग्रता दिलाएका थिए । उनले टोनी क्रुसको पासमा गोल गरेका हुन् ।

दोस्रो हाफमा भ्यालेन्सियाले गोल गर्न सकेन । म्याक्सी गोमेजले थियावट कोर्टिअसलाई लक्षित गरी केहि प्रहार गरे पनि सफल भएनन् ।

यो जितपछि रियलले शीर्ष स्थानको एट्लेटिको मड्रिडसँगको दूरी ५ अंकमा झारेको छ । तर उसले २ खेल बढी खेलेको छ ।